東京小眾神社⛩️攀上事業高峰/保佑重要日子🫡追星族動漫迷有份

去日本當然要去神社～但熱門神社去到爛又多人🥲今次整合咗5間東京相對小眾嘅神社⛩️可以參拜之餘又可以得到特別啲嘅御守～咁就夠曬獨特，唔使爭餐死啦😎 1. 不忍池辯天堂 不忍池辯天堂為東叡山其中一座佛堂，由寬永寺創建高僧慈眼大師天海大僧正打造，概念來自琵琶湖中嘅竹生島。而現今嘅辯天堂則為1958年再度重建而成嘅樣貌。境內被無數蓮花環繞，遠離煩擾，非常優美🪷 而不忍池辯天堂最最最出名嘅就係心願成就金牌御守啦！金色縷空配上四季限定景色太靚了～😍 另外仲有用於御朱印簿嘅貓貓橡筋御守～🌸🐱用嚟綁頭髮都超kawaii～每隻貓咪布料花紋都有啲唔同可以自己挑選喔～🥰 交通: 上野站JR線公園口步行5分鐘即可到達 2. 愛宕神社 愛宕神社建於1603年，位於東京23區最高峰，供奉住防火鎮火之神🔥除咗防止災害，相傳仲可以維持「熱」戀🥰而因為前往愛宕神社前要先走過一段陡峭嘅「出世石階」🪨所以都有前往參拜運勢會一路攀升，事業更上一層樓嘅說法～⬆️⬆️⬆️ 而好似火焰一樣高飽和度嘅紅色可以話係愛宕神社嘅小標記，佢哋嘅御守自然都體現到出嚟～❤️ 交通: 從東京地鐵日比谷線「神谷町站」步行5分鐘 從東京地鐵日比谷線「虎之門Hills站」步行5分鐘 從東京地鐵銀座線虎之門站步行8分鐘 從都營三田線禦成門站步行8分鐘 3. 皆中稻荷神社 「皆中稻荷神社」祈求嘅事就如神社名一樣，「事事皆中」⭕️！而佢嘅起源故事至今已有五百多年歷史。相傳德川幕府嘅隊伍一直鑽研槍法保護江戶，但一直無法突破，某晚佢哋夢見稻荷神顯靈，前往參拜後居然開始「百發百中」，就成為呢個神社嘅流傳故事🏹⛳️ 時至今日，只要人們遇上需要運氣嘅事，例如購買演唱會門票或彩票等等，都會前往參拜，祈求一擊即中🌟從御守都可以見到有關箭頭嘅設計，好特別呀！✨ 交通： 從JR新大久保站步行1分鐘 從JR大久保站步行3分鐘 4. 氣象神社 氣象神社建於1944年，位於日本陸軍陸軍氣象部內。氣象對於軍隊而言係制定戰略、作戰的重要因素🥸雖然當時已經能夠根據科學依據作出天氣預報，但仍然需要神社供奉「氣象之神」作為心靈寄託。氣象神社本應在戰後的神道指令下拆除，但由於調查遺漏而得以倖存，最後被接受並遷移至現址。亦係日本唯一嘅氣象神社☀️☁️❄️ 氣象神社獨有御守刻意加入太陽同晴天娃娃元素，超級可愛～無論係戶外工作者，攝影師，機師等職業，定係出遠門，或者即將迎來人生重要日子，都適合求一個！🥰仲有專門為氣象預報員而設嘅合格守，好有意思～睇過《天氣之子》嘅朋友都可以嚟朝聖喔🫡 交通： 從 JR中央線・總武線「高円寺」站步行約2分鐘 5. 神田明神神社 神田神社早在近 1,300 年前落成，祭祀著三位神明，分別保佑生意興隆、結緣、開運，人氣於江戶時期更加去到巔峰狀態💫有趣嘅係，由於位置接近秋葉原，神社開始販賣能夠保佑設備機能穩定嘅御守📸🖥️加上早年人氣動畫 《Love Live!》 角色東條希就是神田神社巫女，令呢到更進一步成為動漫迷朝聖地之一✨值得一提嘅係，神社亦係少數24小時開放嘅神社！ 交通： 從中央線、總武線御茶之水站（聖橋口）步行5分鐘 從京濱東北線、山手線秋葉原站（電氣街口）步行7分鐘 圖片/資料來源： bentendo.kaneiji.jp, gltjp.com, @ atagojinja_gallery/ Instagram, atago-jinja.com, kaichuinari-jinja.or.jp, koenji-hikawa.com , gotokyo.org, https://juyo.kandamyoujin.or.jp, @kandamyoujin/Instagram #日本神社#日本攻略#攻略#東京攻略#東京神社#日本好去處#旅行打卡#旅遊行程